اغنية تتحدث عن مدينة طرابلس ثاني اكبر مدينة في لبنان و العاصمة الاقتصادية

أسرار المدينة
كلمات والحان صوفيا حداد
In collaboration with ( Patrimoine Tripoli Liban)


كلمات الأغنية

رح خبركن خبرية
المدينة اللي ساكنة فيي
عن ايامي بشوارعها
و كيف بشوفها بعينيي

بالحارات القديمة
بتقرا اسرار المدينة
بياع السوس بينادي
حلو الانفوس يا ولادي

بين الحلونجي و الفوال
ترويقة بتمشي الحال
جارة بتحاكي الجارة
بتتناقل اخبار الحارة

تلميذ الرايح مدرسته
عالباب بتدعي سته
بحس حالي مش لحالي
لهيك بتبقي ببالي

طرابلس عا زند لبنان اسوارة و جوهرة
طرابلس غنية و قصيدة و حكاية بتنقرا
خبري الوطن عن جودك
و انك ثبتي وجودك
العاصمة الثانية للبنان
وسع السما حدودك

من ابواب الكنايس بتدخل جوامعها
و جراس و مآذن الايمان بيجمعها
من خان لخان من الاسواق للقلعة
ريحة الصابون و زهر الليمون بتحلي الطلعة

طرابلس ع زند لبنان اسوارة و جوهرة
طرابلس غنية و قصيدة و رسالة بتنشرها
خبري الوطن عن جودك
و انك ثبتي وجودك
العاصمة الثانية للبنان
وسع السما حدودك

#أسرار_المدينه
#صوفيا_حداد
صوفيا حداد – أسرار المدينه (حصرياً) | 2023
Sophia Haddad – Asrar Almadeena (Exclusive) | 2023